Serena Williams refuzon të përgjigjet në atë se a do të pensionohet përfundimisht

Serena Williams nuk është gati të deklarojë se US Open do të jetë gara e saj e fundit.

Williams u përball me Danka Kovinic në raundin hapës të US Open të hënën mbrëma në atë që mund të ishte ndeshja e saj e fundit teke.

40-vjeçarja zbuloi se po ‘evoluonte’ nga tenisi në fillim të këtij muaji dhe pritej që US Open – ku fitoi titullin e saj të parë Grand Slam – do të ishte turneu i saj i fundit.

Lexo po ashtu "Efekti Serena është si një cunami" - njoftimi për pensionim nga Williams rrit kërkesat për bileta në US Open

Tani, duket se Flushing Meadoë mund të mos organizojë ndeshjen e fundit të 23-herë kampiones së Grand Slamit në teke pasi ajo këmbënguli se do të mbetej ‘e paqartë’ në planet e saj të daljes në pension.

E pyetur pas fitores së saj në raundin e parë të hënën mbrëma nëse ky do të jetë përfundimisht turneu i saj i fundit, Williams u përgjigj me një buzëqeshje të vetëdijshme: “Po, unë kam qenë mjaft e paqartë për këtë, apo jo?”.

Lexo po ashtu Një tjetër legjendë po e njofton botën për pensionim: Serena Williams pikëllon të gjithë me deklaratën e fundit

Dhe më pas ajo shtoi: “Unë do të qëndroj e paqartë, sepse nuk e dini kurrë (çfarë ndodhë)”.

Williams kishte zbuluar se ajo po ‘evoluonte’ nga tenisi për t’u fokusuar në familjen dhe bizneset e saj në një intervistë me Vogue në fillim të këtij muaji. /Telegrafi/