Serbia mund të dënohet lidhur me vonesat e orëve të energjisë elektrike

Kosova mund të paraqesë prapë devijim në frekuencat e rrjetit të energjisë në Evropë, sikurse në muajin mars, kur kishte ngadalësuar orët për gjashtë minuta në pjesën më të madhe të kontinentit evropian.

Sipas Rrjetit Evropian të Operatorëve të Sistemit të Transmisionit të Energjisë Elektrike (ENTSO-E), rënia e frekuencës kishte ndikuar në ato orë elektrike (në pajisjet shtëpiake) që drejtohen nga frekuenca e sistemit energjetik dhe jo nga një kristal kuarci.

Ndryshe nga vendet e tjera të Ballkanit, KOSTT nuk është anëtare e ENTSO-E dhe Kosova nuk ka një rrjet në të cilin shpërndarësit duhet të minimizojnë luhatjet.

“Për arsye politike dhe financiare, Beogradi nuk ka interes për Kosovën që të jetë e pavarur në fushën e energjetike. Për shkak se deri më tani serbët kanë mbledhur paratë nga shitja e energjisë elektrike, si dhe fitimet në fakt do të duhet të shkoni tek një operator kompetent dhe ky është e KOSTT”, kishte thënë në mars, zëvendësdrejtori i “Energy Community”, Dirk Buschle, shkruan DW, përcjell Telegrafi.

Operatorët evropianë të energjisë kanë aktivizuar një program të veçantë të kompensimit i cili aktivizohet automatikisht kur vonesat tejkalojnë 60 sekonda. Por kjo nuk është një zgjidhje e qëndrueshme dhe tani ENTSO-E ka kërcënuar me sanksione Serbinë nëse nuk zgjidh problemin me Kosovën. /Telegrafi/