Serbia dhe Bosnja e Hercegovina i ankohen BE-së për taksën 100%

Ministri i Tregtisë, Turizmit dhe Telekomunikacionit të Serbisë, Rasim Lajiq dhe nënkryetari i Këshillit të Ministrave dhe ministri i Tregtisë së Jashtme dhe Marrëdhënieve Ekonomike të Bosnjë së Hercegovinës, Mirko Sharoviq diskutuan për situatën pasi Kosova ngriti taksën 100 për qind për mallrat nga Serbia dhe Bosnja e Hercegovina dhe konkluduan se me Prishtinën praktikisht është pamundësuar.

Lajiq dhe Sharoviq ranë dakord të dërgojnë një letër të përbashkët për shtetet anëtare të BE, duke vlerësuar se ky është shans i fundit që BE-ja të kërkojë nga Prishtina zyrtare urgjentisht heqjen e masave, në të kundërtën do të kërkojnë suspendimin e Këshillit Stabilizim-Asociimit ndërmjet Kosovës dhe BE-së.

Ndryshe, Kosova kohë më parë ka ngritur taksën 100 për qind ndaj mallrave të Serbisë dhe Bosnjë e Hercegovinës, pasi malli i Kosovës ka pasur vështirësi të hyjë në Serbi.

Kryeministri Ramush Haradinaj ka këmbëngulur se kjo masë do të mbetet në fuqi derisa Serbia të njohë pavarësinë e Kosovës. /Telegrafi/