“Senegali në Kupën e Botës për ta fituar atë”, Koulibaly befason me deklaratën e tij

Kapiteni i Senegalit dhe mbrojtësi i Chelseat, Kalidou Koulibaly ka thënë se kombëtarja e tij synon të bëhen kombi i parë afrikan që fiton Kupën e Botës, me turneun në Katar saktësisht një muaj larg nga tani.

Asnjë skuadër nga kontinenti afrikan nuk ka kaluar ndonjëherë në çerekfinale, me Kamerunin (1990), Senegalin (2002) dhe së fundmi Gana (2010) të eliminuar në 1/8-tën – të gjitha pas kohës shtesë ose penalltive.

Turneu i këtij viti fillon më 20 nëntor, kur nikoqirët përballen me Ekuadorin në Grupin A, me Senegalin që fillon sezonin e tyre, në të njëjtin vend, kundër Holandës të nesërmen.

Koulibaly, i cili luan rregullisht në Ligën Premier, beson se përfaqësuesit e Afrikës duhet të mendojnë më shumë sesa thjesht të arrijnë në fazën e eliminimit.

“Kombeve afrikane u mungon vetëvlerësimi dhe vetëdija se mund të fitojnë vërtet një Kupë Bote”, ka thënë fillimisht 31-vjeçari për BBC Sport Africa.

“Ne konsiderojmë se kalimi i fazës së grupeve është një gjë e mirë, por duhet të vendosim synime më të larta për veten tonë”.

“Nuk mendoj se skuadra franceze apo ajo angleze janë të kënaqura me kalimin në fazën e grupeve – ata duan të shkojnë më tej”.

“Ne duhet të kemi të njëjtin mentalitet. Kjo është ajo që unë po përpiqem të sjell në Senegal”.

“Mendoj se është koha që një vend afrikan të fitojë Kupën e Botës, sepse ne jemi një kontinent shumë i talentuar. Ne kemi lojtarë të mëdhenj”, përfundoi Koulibaly. /Telegrafi/