Sëmundja e Parkinsonit: Shenjat në gojë të cilat mund të paralajmërojnë se jeni në rrezik

Sëmundja e Parkinsonit është një gjendje progresive përmes së cilës sinjalet e komunikuara midis trurit dhe sistemit nervor prishen.

Kjo shkakton një numër dëmtimesh, shumë prej të cilave kanë të bëjnë me lëvizjen. Simptomat shpesh janë delikate në fillim por bëhen mjaft të theksuara ndërsa gjendja përparon.

Ndonjëherë mund të ketë shenja paralajmëruese të hershme të gjendjes që gjenden jo në lëvizje, por në gojë, shkruan Express.co.uk.

Nëse përjetoni ndonjë nga këto tetë shenja të gojës, kjo mund të thotë që mund të jeni në rrezik.

• Jargë

• Pamundësia për të pastruar ushqimin nga goja

• Ushqimi ngjitet në fyt

• Kollitje kur hani ose pini

• Zënia e frymës nga ushqimi, lëngu ose pështyma

• Problemet e gëlltitjes së ilaçeve

• Dhimbje gjatë gëlltitjes

• Siklet në gjoks ose në fyt

Sipas organizatës Parkinson në Mbretërinë e Bashkuar, Parkinson mund të bëjë që muskujt në nofullën dhe fytyrën e një personi të jenë më pak të efektshëm, gjë që ndikon në kontrollin që ata kanë gjatë përtypjes dhe gëlltitjes: “Muskujt më pak efikasë gjithashtu mund të zvogëlojnë ngushtësinë që keni kur mbyllni buzët, duke e bërë të vështirë gëlltitje”.

Parkinsoni gjithashtu mund të shkaktojë probleme me muskujt e gjuhës. Siç shpjegoi organizata: “Gjuha është e rëndësishme në gëlltitje. Ne e përdorim atë për të lëvizur ushqimin përreth dhe për ta shtyrë atë në pjesën e prapme të gojës për të shkaktuar reflekset e gëlltitjes.

Sëmundja Parkinson gjithashtu mund të dëmtojë reflekset që mbrojnë laringun tonë nga ushqimi dhe pijet”. /Telegrafi/