Sektori afarist i gatshëm që financiarisht t’i mbështesë OJQ-të lokale

Sektori privat nga Tetova është i gatshëm të bashkëpunojë dhe financiarisht t’i mbështesë organizatat joqeveritare lokale, u tha në takimin e sotëm të përfaqësuesve të Odës Ekonomike të Maqedonisë Veriperëndimore (OEMVP) dhe Fondacioni “Albis” me biznesmenët dhe OJQ-të nga ky qytet, transmeton Telegrafi Maqedoni.

“Organizatat joqeveritare nga Tetova deri më tani nuk kanë pasur bashkëpunim me sektorin privat në nivelin e dëshiruar sepse qasja drejt tyre nuk ka qenë e mjaftueshme. Këtu duhet të theksohet gatishmëria e sektorit privat nga ky rajon për mbështetje të aktiviteteve të organizatave joqeveritare”, informoi Oda.

Qëllimi kryesor i takimeve nga ky lloj, qëndron në kumtesë, është vendosja e partneriteteve efektive afatgjate midis dy palëve të cilët në fund do të rezultonin me kapacitet më të madh të organizatave joqeveritare lokale të gjenerojnë të ardhura nga sektori afarist, por edhe nga fonde të tjera.

Takime me bizneset dhe OJQ-të lokale deri në fund të muajit do të mbahen edhe në qytete të tjera nëpër Maqedoni. /Telegrafi/