Sekretari i Përgjithshëm i NATO-s Stoltenberg arriti në Maqedoni

Sekretari i Përgjithshëm i NATO-s Jens Stoltenberg, sonte arriti në Shkup, në kuadër të referendumit të caktuar më 30 shtator.

Në aeroportin e Shkupit, Stoltenberg ishte i pritur nga Ministrja e Mbrojtjes, Radmilla Sheqerinska, përcjell Telegrafi Maqedoni.

Sekretari i Përgjithshëm i NATO-s nesër do të ketë takime me Kryetarin e Shtetit Gorgje Ivanov, me Kryeministrin Zoran Zaev, me Kryetarin e Kuvendit Talat Xhaferi, ndërsa njeriu i parë i NATO-s do të ketë takime edhe me Ministren e Mbrojtjes Radmila Sheqerinska, dhe me fuksionarë të tjerë tv lartë, informojnë nga Qeveria.

Nesër në agjendën e tij përveç aktiviteteve dhe takimeve, Stoltenberg do ta vizitoj edhe Stajkovcin ku në vitin 2016 ushtarët dhe mjetet e NATO-s ishin të angazhuar për tejkalimin e dëmeve nga vërshimet. Ai do të vizitojë edhe kazermën ushtarake në “Ilinden” ku do të shikojë nga afër trajnimet e forcave speciale.

Në kazermën “Ilinden” është parashikuar deklarata për media nga Sekretari i Përgjithshëm i NATO-s, Jens Stoltenberg dhe Ministrja e Mbrojtjes, Radmia Sheqerinska.

Në kuadër të referendumit, në Shkup këtë javë vijnë edhe Kancelarja e Gjermanisë Angela Merkel dhe Kancelari i Austrisë, Sebastain Kurz./Telegrafi/