Samsung të shesë 100 milionë Galaxy S dhe Note?

Viteve të fundit, Samsung ka pasur një sukses të jashtëzakonshëm me njësinë e saj të telefonave mobil, ndërsa pajisjet mobile sikurse Samsung Galaxy Note apo telefonat e mençur të linjës Samsung Galaxy S kanë qenë ndër kontribuesit më të rëndësishëm të këtij suksesi.

Samsung ka njoftuar se këtë vit pret që të shesë një total prej 100 milionë pajisjeve mobile të linjës Samsung Galaxy S dhe Galaxy Note.

Sasia prej 100 milionë pajisjeve përfshin telefonat dhe fabletët si: Samsung Galaxy Note 2, Galaxy Note 3, Samsung Galaxy S3 dhe Samsung Galaxy S4.

Megjithatë, kjo shifër nuk përfshin të gjitha pajisjet e tjera mobile dhe tabletët të cilët Samsung i shet, prandaj e njëjta është shumë mbresëlënëse, duke marrë parasysh se 100 milionë njësi pritet të shiten vetëm nga dy linja të pajisjeve të Samsung – fabletët Note dhe telefonat e mençur Galaxy S.

Shitjet e telefonave të avancuar të kompanisë Samsung kanë pasur një ngadalësim, edhe pse kompania është ende duke shitur më shumë sesa ka shitur vitin e kaluar. Megjithatë, thuhet se shitjet e Samsung nuk i kanë përmbushur objektivat e brendshme të kompanisë.

Ne më parë ishte thënë se Samsung pritet ta prezantojë modelin e ri të telefonit të saj, Galaxy S5, në janar të vitit të ardhshëm, dhe se gjenerata e pestë e telefonit të kësaj linje do të dal në shitje në muajin shkurt. / Telegrafi /