Sampaoli i zgjedhuri i Argjentinës

Presidenti i Federatës së Futbollit të Argjentinës (AFA), Claudio Tapia ka konfirmuar se do të hyjë në negociata me Sevillan, në mënyrë që Jorge Sampaoli të jetë trajneri i ardhshëm i Argjentinës.

Sampaoli, më parë ka qenë trajner i kombëtares së Kilit dhe skuadrës Universidad de Chile, por ka qenë prej kohësh i lidhur me punën e trajnerit të Albicelestes.

Këto raporte janë intensifikuar vetëm pasi që Edgardo Bauza u shkarkua menjëherë pasi Tapia u zgjodh si shefi i AFA, me presidentin e detyruar të mohonte se ai i ofroi Sampaolit vendin gjatë një vizite të kohëve të fundit në Evropë.

Lexo po ashtu Zëvendësuesit e Bauzas – ëndrra Simeone, favorit Sampaoli

Megjithatë, duke folur të enjten në mbrëmje, Tapia pohoi se nuk kishte asnjë kandidat tjetër përveç Sampaolit aktualisht në shqyrtim.

“Ne do të negociojmë largimin e Sampaolit [nga Sevilla]. Ai është i zgjedhuri”, ka thënë Tapia për ESPN, përcjell Telegrafi.

Ndërkohë që bisedimet midis partive ende nuk kanë ndodhur, një bashkëpunëtor i ngushtë i Sampaolit, Sebastian Beccacece, ish-asistent i tij, është i bindur se kthimi i trajnerit në vendin e tij të lindjes është një marrëveshje e bërë.

Lexo po ashtu Këta janë 10 trajnerët më të mirë në botë që nuk kanë luajtur kurrë futboll, por kanë fituar Kupën e Botës e Ligës së Kampionëve (Foto)

“Unë i kam kërkuar [Sampaolit] që disa kohë që të mendoj për ofertën që më ka bërë me ekipin kombëtar”, ka thënë Beccacece për Jogo Bonito.

“Nuk është vendi im për të folur për lojtarët e Argjentinës, sepse kam një ofertë të fortë nga Sampaoli. I fola para dy ditësh dhe ai më pyeti për kontratën time”, përfundoi ish-ndihmësi i Sampaolit. /Telegrafi/