Sam Smith dhe i dashuri i tij Christian Cowan shkëmbejnë një puthje pasiononte, pas spekulimeve se lidhja e tyre ishte drejt fundit

Në një zhvillim të fundit që tërheq vëmendjen e fansave dhe mediave, këngëtari i njohur dha fund spekulimeve për ndarjen nga partneri i tij, pasi u panë së bashku në New York City.

Momenti i tyre i ëmbël u fiksua në fotografi, ku ata shkëmbyen një puthje pasionante, duke dëshmuar për të gjithë që lidhja e tyre mbetet e fortë dhe e palëkundur.

Thashethemet rreth ndarjes së tyre morën jetë gjatë periudhës së Krishtlindjeve, kur u përhapën lajme që Sam ishte regjistruar në aplikacionin elitist të takimeve për të famshmit, “Raya”.

Kjo e bëri publikun të dyshojë në stabilitetin e romancës së tyre, pasi u sugjerua se çifti kishte marrë rrugë të ndara.

Megjithatë, situata mori një kthesë të papritur kur një burim i afërt me Samin e mohoi këtë pretendim në një intervistë për MailOnline, duke zbuluar se ata ishin ende bashkë dhe duke hedhur dyshime mbi ekzistencën e një profili të vërtetë të Samit në “Raya”.

Në fillim të janarit, një bashkëpunëtor i afërt me këngëtarin foli gjithashtu për MailOnline, duke theksuar se lidhja mes Samit dhe partnerit të tij, Christian, ishte më e fortë se kurrë. Ai hodhi poshtë zërat që sugjeronin se këngëtari ishte aktiv në “Raya” dhe thashethemet e ndarjes.

Bashkëpunëtori konfirmoi: “Sam dhe Christian janë ende në një lidhje dhe ata nuk kanë qenë në ‘Raya’. Nëse ekziston një profil i Samit në aplikacion, atëherë ka shqetësime që dikush po përpiqet të imitojë Samin, dhe ne do të komunikojmë me ‘Raya’ për të adresuar këtë çështje.” /Telegrafi/