Sabrina Elba zbulon se nëna e saj ishte viktimë e gjymtimit gjenital femëror dhe për pak sa nuk vdiq duke e lindur

Gruaja e Idris Elba, Sabrina, ka zbuluar se nëna e saj ishte viktimë e gjymtimit gjenital femëror, ndërsa rritej në Somali.

Modelja dhe ambasadorja e vullnetit të mirë të Kombeve të Bashkuara, 34 vjeçe, tregoi në podcastin e “Reign with Josh Smith” se si mamaja e saj Maryam Egal ishte subjekt i procedures, shkruan DailyMail.

Gjymtimi gjenital femëror përfshin të gjitha procedurat që përfshijnë heqjen e pjesshme ose totale të organeve gjenitale të jashtme femërore, ose dëmtime të tjera të organeve gjenitale femërore për arsye jomjekësore.

Praktika nuk ka përfitime shëndetësore për vajzat dhe gratë dhe shkakton gjakderdhje të rëndë dhe probleme me urinimin, e më vonë infeksione, si dhe komplikime në lindje dhe rritje të rrezikut të vdekjeve të të porsalindurve.

Si pasojë, Maryam për pak sa nuk vdiq duke lindur Sabrinan për shkak të komplikimeve shëndetësore që i kishte shkaktuar.

Sabrina mbështet disa fushata kundër kësaj që ajo beson se është “detyra e saj morale”.

Duke folur për nënën e saj në podcast, ajo tha: “Mamaja ime në fakt po përpiqej të më mbronte aq shumë nga disa gjëra me të cilat po kalonte ose përballej dhe unë në fakt po bëja një bisedë dhe po mendoja për këtë në mëngjes.

Për shembull, unë jam një avokate e madhe kundër kësaj çështjeje, që është gjymtimi gjenital femëror. Është mjaft e zakonshme në Somali, por në fakt ndodh në të gjithë botën.

“E dija që nëna ime ishte viktimë, por isha në Dhomën e Komunave, isha atje duke mbrojtur dhe folur me disa nga të mbijetuarat dhe ata po flisnin për vështirësitë gjatë lindjes për shkak të asaj që kishin kaluar dhe unë telefonova mamanë time dhe thashë: “Oh, mami, e dini, disa nga njerëzit me të cilët po flisja e kishin kaluar këtë”.

“Dhe ajo thotë, “Ti as nuk e di se unë për pak sa nuk vdiqa duke të lindur.” Dhe unë menjëherë thashë, “Çfarë?” Këto biseda nuk i kemi bërë sepse ajo po mundohej të më mbronte.

Ajo shtoi: “Por është kaq e vështirë t’i bësh këto biseda me prindërit e tu. Disi, ata janë ata që emocionohen më së shumti. /Telegrafi/