Sa larg duhet të vozitni për të ngarkuar baterinë?

Me ardhjen e temperaturave të ulëta, shumë ngasës u ndeshën me një problem shumë të pakëndshëm – ata nuk mund të ndezin motorin e veturës.

Bateria është më së shpeshti fajtore për këtë. Fillimi i vështirë në temperatura më të ulëta është një sinjal i qartë se së shpejti do të keni probleme. Është çështje ditësh, ose më mirë mëngjesesh, kur nuk do të mund ta ndezësh motorin. Dhe kur ju ndodh kjo, zgjidhja e vetme është të filloni me terminalet.

Mbani në mend se me një rënie të temperaturës, kapaciteti i baterisë bie në mënyrë drastike, kështu që një bateri e re në rreth -15 gradë Celsius nuk siguron më shumë se 60 për qind kapacitet.

Megjithatë, shumë njerëz pyesin se sa kohë duhet të vozisin për të ngarkuar baterinë. Është e vështirë të japësh një përgjigje të saktë.

Siç thekson Klubi i Autove Gjermane (ADAC), është e rëndësishme të vozitësh për një kohë të gjatë me një lëvizje, pa fikur motorin. Domethënë, intensiteti i karikimit varet nga një sërë faktorësh ndër të cilat janë vjetërsia dhe kapaciteti i baterisë, gjendja aktuale, aftësitë e alternatorit, faktorët e jashtëm (temperatura) dhe të ngjashme.

Këshilla e përgjithshme është që të mjaftojnë gjysmë ore me veturë, e në kushte të këqija edhe një orë.

Ajo që është sigurisht e rëndësishme është që të vozitni pa ndërprerje. Dhe një paralajmërim, mos i hiqni kapakët e baterisë. /Telegrafi/