Ruskovska ka kërkuar nga Milloshoski të gjejë dëshmitarë që mund të argumentojnë inçizimet

Inçizimet e para që solli Milloshoski, dhe si kjo dje, janë dorëzuar për ekspertizë. Kështu që ne jemi në pritje të raportit të ekspertizës. Prokurorja Vilma Ruskovska iu përgjigj sot pyetjeve të gazetarëve në lidhje me inçizimet që deputeti i OBRM-PDUKM-së, Antonio Milloshoski i dorëzoj asaj, për të cilat ai pretendon se janë indikacione të keqpërdorimit të detyrës nga Zaevi.

Ajo kërkoi nga Millososki të sigurojë dëshmitarët që të argumentonin audio inçizimet.

“Gjithashtu e kam pyetur Milloshoskin nëse ai, normalisht, mund të sigurojë disa dëshmitarë që do të argumentonin ato që janë në inçizime, edhe ke njëra dhe ke tjetra”, tha Ruskovska.

Ruskovska tha se ai ka kërkuar nga prokurorja që të sigurojë inçizimet nga kabineti i Qeverisë nga i gjithë muaji maj i vitit të kaluar, gjë që është joserioze, sepse kush e din sa njerëz atëherë kanë kaluar në kabinetin e kryeministrit të atëhershëm për një muaj të tërë.

Lexo po ashtu Milloshoski publikon “bombën” e radhës: Zaev ka negociuar vendime me Gjykatën e Lartë

“Nëse do të kishte thënë ndonjë datë të caktuar sigurisht që do të kërkonim inçizimet”, tha prokurorja./Telegrafi/