Mediat ruse po raportojnë se autoritetet po përgatiten të fillojnë një fushatë të madhe rekrutimi ushtarak me qëllim të regjistrimit të “400,000 trupave shtesë”.
Dhe Ministria e Mbrojtjes e Mbretërisë së Bashkuar tha se Rusia po e paraqet fushatën si një përpjekje për personelin vullnetar, profesional dhe jo një mobilizim të ri, të detyrueshëm, përcjell Telegrafi.
Ajo shtoi se autoritetet ruse ka të ngjarë të kenë zgjedhur një gjoja “model vullnetar” për të përmbushur mungesën e personelit të tyre në mënyrë që të minimizojnë mospajtimin e brendshëm.
Latest Defence Intelligence update on the situation in Ukraine – 30 March 2023.
Find out more about Defence Intelligence's use of language: https://t.co/U2ty7b1e7h
🇺🇦 #StandWithUkraine 🇺🇦 pic.twitter.com/QweoSriH6U
— Ministry of Defence 🇬🇧 (@DefenceHQ) March 30, 2023
Por Ministria e Mbrojtjes vë në dukje se rindërtimi i fuqisë luftarake të Rusisë do të kërkojë më shumë sesa personel – pasi ajo ka nevojë për më shumë municione dhe pajisje ushtarake sesa ka aktualisht në dispozicion.
Ky lajm vjen në kohën kur presidenti i Ukrainës, Volodymyr Zelensky, ka kundërshtuar ata që sugjerojnë se ishte koha për një zgjidhje të negociuar me liderin rus Vladimir Putin.
“Ne duhet të heqim qafe iluzionin se kompromisi me të keqen mund t’i japë diçka lirisë dhe armiqtë e demokracisë duhet të humbasin”, ka thënë Zelensky në samitin e dytë të demokracisë të udhëhequr nga SHBA. /Telegrafi/