Rusia nuk po i ndal sulmet në Ukrainë

Pasi u njoftua se ishte arritur një marrëveshje për armëpushim në Ukrainë, Rusia u kthye dhe sulmoi me forcë qytetin Kryvyi Rih, duke intensifikuar veprimet e saj ushtarake.

Ky sulm ka qenë një prej atyre më të rënda që ka përjetuar qyteti gjatë luftës.

Mbrëmë, Kryvyi Rih u godit nga një valë të sulmeve me dronë, që përbëjnë sulmin më të madh të këtij lloji që nga nisja e luftës në shtetin ukrainas.

Sulmi shkaktoi shpërthime të fuqishme zjarri dhe dëme të konsiderueshme në disa pjesë të qytetit.

After loud declarations of a ceasefire, Russia returned and attacked Kryvyi Rih

This night, the city experienced the largest drone attack since the beginning of the war.

There were fires, administrative buildings, storage facilities, an enterprise, and 6 vehicles were damaged.… pic.twitter.com/DHScjxff0G

— NEXTA (@nexta_tv) March 26, 2025

Ndërtesat administrative, disa depo, një ndërmarrje dhe gjithashtu gjashtë mjete u dëmtuan rëndë si pasojë e këtij sulmi ajror.

Sidoqoftë, falë masave të marra për mbrojtjen e qytetit dhe shërbimeve të shpejta të emergjencës, autoritetet raportuan se nuk pati viktima apo të plagosur nga ky sulm, duke e konsideruar si një sukses të menaxhimit të krizës në kushte të tilla të rënda.

Administrata e qytetit theksoi se është duke u punuar për rregullimin e dëmeve dhe rikthimin e normalitetit në zonat e prekura.

Ndryshe, Rusia ka nisur pushtimin e shtetit ukrainas më 24 shkurt të vitit 2022 duke shkaktuar mijëra viktima dhe dëme të shumta materiale. /Telegrafi/