Rusia insiston: Putini ende nuk ka vdekur

Zëdhënësi i Kremlinit, Dmitry Peskov mohoi të premten thashethemet për vdekjen e presidentit rus Vladimir Putin të cilat ishin përhapur në mediat sociale, duke i quajtur ato një mashtrim.

Informacioni se Putini kishte vdekur dhe se një sozi kishte marrë postin e tij është “një informacion absurd”, tha Peskov për televizionin shtetëror rus RIA Novosti të premten, transmeton Telegrafi.

Kjo është hera e dytë këtë javë që zyrtarit të Kremlinit i është dashur të hedhë poshtë spekulimet për shëndetin e Putinit.

Lexo po ashtu Kremlini deklarohet rreth pretendimeve se Putini është i sëmurë dhe përdor sozi

Një raport i paverifikuar se Putini kishte pësuar arrest kardiak, i publikuar në një kanal Telegram të dielën në mbrëmje, nxiti thashethemet – duke e detyruar Peskovin të mohonte me vendosmëri pretendimin.

“Gjithçka është në rregull me të”, tha fillimisht Peskov të martën.

Ekziston një fshehtësi e madhe rreth jetës personale dhe shëndetit të Putinit, që ka qenë një temë spekulimi për vite me radhë. Presidenti rus kërkon të projektojë një imazh të një njeriu të fortë tek publiku

Deri më tani, autoritetet ruse pothuajse pa ndryshim i kanë mohuar thashethemet rreth shëndetit të Putinit – me një përjashtim të dukshëm.

Në vitin 2018, pasi u zhduk për dy ditë vetëm disa javë përpara zgjedhjeve presidenciale vendimtare, Peskov deklaroi se presidenti rus “ishte ftohur”, për shkak të temperaturave të ulëta. /Telegrafi/