Ukrainasit skeptikë se do të nënshkruhet marrëveshja për eksportimin e grurit me Rusinë

Turqia njoftoi se ishte arritur një marrëveshje me Rusinë për të lejuar Ukrainën të vazhdojë eksportin e grurit përmes Detit të Zi.

Ukraina, Rusia, Turqia dhe Sekretari i Përgjithshëm i OKB-së, Antonio Guterres duhet ta nënshkruajnë atë të premten në Stamboll.

Një mungesë në mbarë botën e drithit ukrainas që nga pushtimi rus i 24 shkurtit ka lënë miliona në rrezik nga uria.

Por një ligjvënës ukrainas i afërt me bisedimet shprehu kujdes në lidhje me marrëveshjen.

“Ne nuk kemi ende një marrëveshje. Ne nuk u besojmë rusëve fare. Pra, le të presim deri të premten për vendimin përfundimtar dhe se nuk do të ketë asnjë refuzim rus dhe ndryshime të minutës së fundit”, Oleksy Honcharenko, një përfaqësuesi në Odessa, tha në emisionin World Tonight të BBC 4.

Për shkak të pushtimit, çmimet e ushqimeve janë rritur, ndaj marrëveshja për zhbllokimin e porteve të Ukrainës është vendimtare.

Ministria e Jashtme e Ukrainës ka konfirmuar se një raund tjetër i bisedimeve të udhëhequra nga OKB për zhbllokimin e eksporteve të grurit do të zhvillohet në Turqi të premten – dhe se dokumenti “mund të nënshkruhet”.

Departamenti Amerikan i Shtetit përshëndeti marrëveshjen e ndërmjetësuar nga OKB-ja, por tha se po fokusohej në mbajtjen e Rusisë përgjegjëse për zbatimin e saj.

“Ne kurrë nuk duhet të ishim në këtë pozicion në radhë të parë. Ky ishte një vendim i qëllimshëm nga Federata Ruse për të përdorur ushqimin si armë”, tha zëdhënësi i Departamentit të Shtetit, Ned Price. /Telegrafi/