Rruga drejt Kosovës, edhe BDI shpreson tek LSDM-ja (Video)

Tahir Hani: “Sot kisha takim me Mile Janakievskin dhe i bisedova problemet që janë në Ministrinë e Transportit. Ai nuk ka gatishmëri për avancime aspak. E dyta nuk çon llogari në aspektin e formimit të komisioneve dhe përfaqësim të drejtë e treta në aspektin e projekteve të ndryshme që janë në sferën tonë, nga programi i BDI-së janë në nivelin më të ulët të mundshëm. Projektin që ju e keni promovuar Tetovë-Prizren në çdo tubim është hekur nga rendi ditës. Për tre milion denarë është hequr nga rendi i ditës”.

Ali Ahmeti: “Bëni me shkrim dhe ja drejton Musa Xhaferit që ai të kërkon të futet në rend dite në Qeveri pozita dhe bashkëpunimi në Ministrinë e Transportit dhe Lidhjeve”.

Ky është vetëm një nga projektet infrastrukturore për të cilat opinioni e mësoi përse dhe në ç’formë u bllokua dhe s’u realizua.

Një tjetër projekt i parealizuar ka mbet edhe autostrada 13 kilometërshe Shkup-Bllacë, të cilin BDI në disa cikle zgjedhore e premtoi, por s’e bëri.

Njëri prej hartuesve të platformës 20-20 të BDI-së, Nurhan Izairi e pranon se partia nuk ia doli t’i bëjë të gjitha projektet nga fushatat zgjedhore, por fajin e sheh tjetërkund.

“BDI në platformën e vet si projekte infrastrukturore urgjente dhe imediate që i ka janë autostrada Shkup-Hani Elezit, pastaj pjesa e autostradës që përfshinë Gostivarin me Kërçovën dhe gjithashtu pjesa e mbetur e autostradës deri në Strugë. Këto janë projekte infrastrukturore që kanë qenë të parapara edhe mandatin e mëparshëm! Por, siç e dini, për shumë rrethana tjera nuk arritën të realizohen ndërsa shpresat e mia janë të mëdha që kjo qeveri reformuese do t’i ketë parasysh këto projekte që janë me rëndësi jetike për popullatën shqiptare”, tha Nurhan Izairi, nga BDI.

Se me këtë koalicion punët do të shkojnë ndryshe, e thotë edhe ministri i ri Goran Sugarevski.

Por edhe ky, sikur pararendësi i tij, nuk jep kohë se kur do të bëhen projektet e partnerit shqiptar në qeveri.

“Absolutisht bëhet fjalë për projekte të cilat janë të parapara në programin qeveritar dhe gjithçka që është e paraparë maksimalisht do të angazhohemi dhe do të mundohemi ato projekte të jenë të realizuara në afat sa më të shpejtë të mundshëm në pajtueshmëri me afatet e parapara. Ashtu që nuk kam dilemë në pjesën që ka të bëj me infrastrukturën por edhe me të gjitha problemet që paraqiten që janë një grumbull në autostrada do të mundohemi të gjejmë zgjidhje se si ata të tejkalohen”, tha Goran Sugarevski, Ministër i Transportit dhe Lidhjeve.

13 kilometra autostradë nga Shkupi deri në kufi me Kosovën në Bllacë, e kërkojnë me ngulm edhe komuniteti i biznesit, meqë eksportojnë më së shumti në tregun kosovar.

Në anën tjetër të kufirit, pala kosovare ka lëshuar në qarkullim 20 kilometrat e para të autostradës për Shkup, ndërsa për pak javë pritet të lëshohet edhe një segment tjetër.

Sugarevski tha se një ekipë është duke bërë vlerësimin e gjendjes së autostradave, dhe punës që po kryhen në ato në ndërtim e sipër.

Ditë më parë, kompania greke AKTOR që po ndërton autostradën Demir Kapi-Smokvicë është dënuar me 50 milionë euro për shkak të shpëlarjes së parave me tenderin për këtë projekt.

Për autostradën e dëshiruar, që lidh Shkupin me Prishtinën,

Për realizimin e këtyre projekteve zotohet ministri i ri i Transportit dhe Lidhjeve, Goran Sugarevski i cili tha se gjatë mandatit të tij nuk do të ketë qasje selektive dhe se do të përpiqet që në të gjitha projektet të ketë përfaqësim të drejtë.

Sipas tij të gjitha projektet e parapara nga programi qeveritar dhe nga programet e partive të koalicionit do të realizohen në afatin e paraparë.

Kërçovë-Ohër autostrada

Shkup-Prishtinë

Llojan-Miratoc kufiri

Theksoi se janë duke mbledhur raporte për gjendjen e tërësishme për të gjitha autostradat, me qëllim që siç thotë të ndërmarrin masa për të tejkaluar problemet që ndodhen në to.

Realizimin e shpejtë të projekteve infrastrukturore e ka kërkuar edhe komuniteti i biznesit.

OEMVP vazhdimisht ka bërë thirrje për ndërtimin e autostradës që lidh Shkupin me Prishtinën, pasi që kompanitë e Maqedonisë për shkak të ngecjes së madhe në qarkullimin e mallrave po e humbin tregun e Kosovës.

Nga ana tjetër e kufirit, autoritetet e Kosovës, me ritëm të shpejtë po zhvillojnë ndërtimet e autostradës Prishtinë – Bllacë.

Ata, në tetor të vitit 2015-të përuruan segmentin e parë të autostradës “Arbën Xhaferi“, që lidh kryeqytetin e Kosovës me atë të Maqedonisë.