Rrokulliset një veturë në Gjilan

Një veturë është rrokullisur gjatë ditës së sotme në Gjilan.

Aksidenti ka ndodhur pranë stacionit policor të këtij qyteti, transmeton Telegrafi.

Përveç dëmeve materiale, ende nuk dihet për numrin e personave të lënduar nga ky aksident.

Ndryshe, kohëve të fundit në vend kanë ndodhur një numër i madh i aksidenteve, ku vetëm javën e kaluar në aksidente komunikacioni kanë humbur jetën pesë persona. Sipas të dhënave të Policisë së Kosovës, në gjysmën e parë të këtij viti në aksidente komunikacioni kanë ndodhur numër i madh i aksidenteve me fatalitet, ku 50 qytetarë e kanë humbur jetën.

Për këtë, Policia ka njoftuar se do t'i shtojë kontrollet duke vënë në funksion edhe dronin. /Telegrafi/