”Rrogat e gazetarëve në Maqedoni nuk mbulojnë as harxhimet minimale për një familje”

Pothuajse 45% e gazetarëve në Maqedoni marrin rroga më të ulëta sesa mesatarja shtetërore, e cila arrin 22.808 denarë. Këtë e tregon anekta e re e Sindikatës së Pavarur të Gazetarëve dhe Punonjësve të Medias, e realizuar në korrik dhe gusht 2017, duke shfrytëzuar shërbimin ‘Survey Monkey’, përcjell Telegrafi Maqedoni.

Sindikata ka konsultuar 127 punonjës të medias, ku 80% punojnë si gazetar, ndërsa të tjerët janë redaktor, fotoreporter, kameraman apo teknik të angazhuar në mediume.

Kur përqindja shndërrohet në numra, del saktë se 57 punonjës të medias nga gjithsej 127 të cilët e kanë plotësuar anketën e Sindikatës, marrin rrogë më pak se 22 mijë denarë.

Përndryshe 45% janë nën mesatare, 40% tjerë nga gazetarët e anketuar dhe punonjësit e medias ose gjithsej 51% nga të anketuarit, ka rrogë e cila lëviz në mes mesatares dhe 30 mijë denarëve

Nëse mblidhen këto dy vlerësime del se 85% e njerëzve në biznesin medial në Maqedoni, me rrogën e tyre nuk e kalojnë kufirin prej 500 euro, gjegjësisht rrogat nuk janë të kënaqshme për shpenzimet e një familje katër anëtarshe, e cila është 32 mijë denarë dhe mbulon vetëm nevojat minimale të një familje. /Telegrafi/