Rroga më e madhe bruto vjetore në Maqedoni në vitin 2016 ishte 2,7 milionë euro

Drejtoria e të Ardhurave Publike (DAP) ka zbardhur të dhënat për rrogat më të mëdhaja të raportuara nga qytetarët përmes raportimit të tatimeve për vitin 2016, përcjell Telegrafi Maqedoni.

Sipas të dhënave, rroga më e lartë bruto vjetore e paguar në Maqedoni në shëndetësi private ishte 2,7 milionë euro, kurse bonusi më i lartë vjetor i paguar për marrëdhënie pune është 416 mijë euro.

Një qytetar i Shkupit ka raportuar të ardhura vjetore prej mbi 4 milionë euro, kurse fitimi kapital më i lartë i rapurtuar është mbi 1 milionë euro.

Një qytetar i Velesit ka raportuar fitim prej afër 1 milionë euro, ndërkaq fitimi më i lartë i raportuar nga dividenda është afër 2 milionë euro.

Edhe pensionistët futen në listën e raportuesve të mëdhenj të fitimeve. Një pensionist nga Strumica ka raportuar fitim prej afër 700 mijë euro, përfshi edhe pensionin kurse një tjetër nga Shkupi ka raportiar fitim prej 30 mijë euro.

Një tetovar ka raporetuar mbi 1 milionë fitime nga qeratë, ndërkaq një shkupjan ka raportuar afër 300 mijë euro fitime nga të drejtat autoriale.

Përndryshe, gjithsej 439.689 qytetarë kanë dorëzuar raport vjetor të fitimit. Më shumë raporte janë dorëzuar në Shkup, pastaj në Tetovë./Telegrafi/