Rritet numri i grave, pronare të bizneseve në Komunën e Gjakovës

Numri i bizneseve në Komunën e Gjakovës në përgjithësi ka shënuar rritje, e me këtë në rritje e sipër është edhe numri i grave që kanë filluar të merren me biznes.

Në një intervistë dhënë për Telegrafin, Ferdinand Kolaj, drejtori i Drejtorisë së Zhvillimit Ekonomik, në Komunën e Gjakovës, tregoi se sa është numri i bizneseve që janë regjistruar nga fillimi i vitit e deri më tani në Komunën e Gjakovës.

“Në Komunën e Gjakovës, sipas statistikave të zyrës së regjistrimit të bizneseve, nga muaji janar e deri më tani, janë të regjistruara rreth 290 biznese të reja”, potencoi Kolaj.

Në mesin e 290 bizneseve të reja që u regjistruan gjatë kësaj periudhe në Komunën e Gjakovës, Kolaj foli edhe rreth numrit të bizneseve, ku pronare janë gratë.

“Gjatë kësaj periudhe për të cilën po flasim, numri i bizneseve të gjinisë femërore që janë regjistruar është 80, dhe çdo vit po kemi rritje në këtë drejtim, dhe kjo është një gjë shumë pozitive, pasi që çdo vit po kemi numër më të madh të femrave që po merren drejtpërdrejtë me biznes.”, shtoi ndër të tjera Kolaj.

Intervistën  e plotë me drejtorin e Drejtorisë së Zhvillimit Ekonomik në Komunën e Gjakovës, Ferdinand Kolaj, mund ta ndiqni më poshtë. /Telegrafi/