Rritet kaosi në futbollin francez, presidenti i vendit Macron e fton Platinin të marr drejtimin e federatës së futbollit

Gazetari francez Daniel Riolo ka folur për kaosin që po ndodh në Federatën e Futbollit të Francës, ku është i përfshirë edhe presidenti i shtetit, Emmanuel Macron, i cili ka kontaktuar Michel Platinin për ta pyetur nëse ai dëshiron të marrë pozitën drejtuese në futboll atje.

Presidenti i Federatës Franceze të Futbollit (FFF), Noel Le Graet, së fundmi ka fyer Zinedine Zidanen, duke thënë se lojtari legjendar “nuk i intereson” dhe se ai mund të menaxhojë “kë të dojë”.

Pas këtyre fjalëve, ka reaguar menjëherë ylli më i madh francez Kylian Mbappe, i cili doli në mbrojtje të Zidane dhe gjithçka shkoi aq larg sa në këtë kaos u përfshi edhe presidenti i Francës, Emmanuel Macron.

“Të dielën u vendos kontakti mes Macron dhe Platinit dhe presidenti i dërgoi një mesazh dhe e pyeti nëse dëshironte të merrte postin e presidentit të federatës”.

🇫🇷 "Emmanuel Macron a envoyé un message à Michel Platini et tâte le terrain en lui demandant si éventuellement il serait dispo."

🗣 Daniel Riolo fait des révélations importantes dans l'After et lance le hashtag #PlatiniPrésident pic.twitter.com/fjfs1VjOh0

— After Foot RMC (@AfterRMC) January 9, 2023

“Mendoj se Platini dëshiron që ne të vijmë ta marrim, ta thërrasim dhe ta kthejmë në federatë dhe pikërisht për këtë Macron e mori këtë hap. Politikanët e tjerë do ta mbështesin në çdo gjë”, ka thënë gazetari Daniel Riolo.

Platini është një nga legjendat më të mëdha të futbollit në Francë.

Ai është fitues i tre Topave të Artë, si dhe njihet si kreu i UEFA-s dhe largimi nga ai post për shkak të korrupsionit, pas së cilës u tërhoq nga futbolli./Telegrafi/