Rrethrrotullimi në Bregun e Diellit vërshohet nga uji (Video)

Si pasojë e reshjeve të mëdha të shiut që kanë rënë gjatë ditës së djeshme dhe po ashtu gjatë ditës së sotme, disa vende në Prishtinë janë vërshuar nga uji.

Telegrafi ka siguruar një video në njërën nga lagjet e Prishtinës, më saktësisht në Breg të Diellit, ku njëri nga rrethrrotullimet në atë lagje është vërshuar komplet nga uji.

Si pasojë, këmbësorët dhe veturat kanë hasur në vështirësi në kalimin në atë pjesë.

Lexo po ashtu Rrebesh shiu në Rahovec, shihni se si uji “e merr me vete” një qytetar (Video)

Ndërkohë edhe gjatë ditës së djeshme, Telegrafi ka raportuar për vërshime të shiut në disa rajone në Kosovë, ku në disa pjesë, përveç dëmeve materiale është rrezikuar edhe jeta e qytetarëve.

Sipas Institutit Hidrometeorologjik, gjatë ditëve të ardhshme do të ketë mot jostabil, të shoqëruar me reshje shiu, stuhi lokale dhe shkarkime rrufesh.

Në fushat termike do të ketë rënie për disa gradë, por kjo gjendje nuk do të ndikojë edhe në temperaturat minimale, të cilat do të vazhdojnë të mbeten të njëjta me ditët e fundit, minimalet parashihen të lëvizin ndërmjet 15-17 gradë Celsius, ndërsa maksimalet e ditës parashihen të lëvizin ndërmjet 26-30 gradë Celsius. /Telegrafi/