Rregullat zyrtare të UEFA-s kanë dhënë një shpjegim se përse Kombëtares së Anglisë iu dha një penallti ndaj Holandës në ndeshjen gjysmëfinale.
Tre Luanët mbetën prapa në Signal Iduna Park të Dortmund të mërkurën mbrëma pasi goditja e Xavi Simons mposhti Jordan Pickford në minutën e shtatë.
Megjithatë, nëntë minuta më vonë, lojtarëve të Gareth Southgate iu dha një shans i madh për të barazuar ndeshjen pasi holandezi Denzel Dumfries u gjykua se kishte faulluar kapitenin e Anglisë, Harry Kane, brenda zonës së penalltisë.
Sulmuesi u ngrit dhe shënoi për të barazuar rezultatin në 1-1, por vendimi për t’i dhënë Anglisë një penallti u prit me mendime të ndryshme.
Rregullat e vendosura nga Bordi i Shoqatës Ndërkombëtare të Futbollit (IFAB), të cilat UEFA i respekton, ndoshta shpjeguan pse gjyqtari Felix Zwayer dha goditjen nga pika e bardhë.
“Kryhet me një kundërshtar afër dhe e pengon kundërshtarin të luajë topin nga frika e lëndimit”.
“Të luash në mënyrë të rrezikshme nuk përfshin asnjë kontakt fizik mes lojtarëve. Nëse ka kontakt fizik, veprimi bëhet një shkelje e dënueshme me një goditje të lirë direkte ose goditje dënimi”.
“Në rastin e kontaktit fizik, gjyqtari duhet të marrë parasysh me kujdes probabilitetin e lartë që është kryer edhe një sjellje e keqe”, thuhet në rregullin e UEFA-s. /Telegrafi/