Rrëfim guximi e shprese, historia e Arnisa Osmanit për betejën e fituar me kancerin e gjirit

Në Kosovë vitet e fundit është shënuar rritje e rasteve me kancer të gjirit dhe kjo e ka bërë të nevojshme që të ketë fushata ndërgjegjësimi për rëndësinë e kontrolleve sistematike shëndetësore.

Kontrollet sistematike mundësojnë një diagnostikim të hershëm të sëmundjes, e një diagnostikim i hershëm mundëson një përballje e trajtim më të lehtë të kancerit të gjirit.

Telegrafi.com dhe bashkëpunëtori ynë IPKO ju bën thirrje që në këtë muaj të gjejmë një ditë, ose të paktën disa orë për të bërë kontrolle shëndetësore në mënyrë që dimë më shumë për shëndetin tonë.

E pikërisht me një mesazh të fuqishëm për rëndësinë e kontrolleve të rregullta, Arnisa Osmani e shëruar nga kanceri i gjirit mes emocionesh na rrëfen periudhën e përballjes me sëmundjen.

Osmani në podcastin “Shëndeti në rend të parë” na tregon se si e kuptoi sëmundjen, cilat ishin momentet që e rënduan më shumë, ku gjeti forcën të përballet stoikisht me sëmundjen.

Ajo po ashtu flet rreth asaj se si e sheh jetën tash pas shërimit, derisa jep mesazhin që të jemi sa më larg stresit.

Për më shumë shikojeni podcastin “Shëndeti në rend të parë”, me autore Besnike Salihu. /Telegrafi/