Rrëfehet djaloshi që u fut në fushë gjatë lojës së Superkupës: Ishte ditë historike për mua

Djaloshi që prishi rendin e forcave të sigurisë në intervistë me derbi.mk ka treguar më shumë rreth jetës së tij dhe gjestit, që ai e tregon, si hisorik.

Quhet Antonij Tentov, 19 vjeçar nga Shkupi. është student i mirë por thotë se ndjenjat nga brenda e kanë detyruar që të kërcejë nga katër metra largësi dhe të thejë kordonin e policisë për të realizuar ëndërrën.

Këtë ngjarje e quan si ”gjëja më e bukur që i ka ndodhur në jetë.”

Në rrëfim gjithashtu tregon se në atë moment nuk ka qenë as nën ndikimin e alkoolit apo të drogës, por ka qenë i ndikuar nga adrenalina.

Lexo po ashtu Momenti kur tifozi që kishte të shkruar ‘Putin’ në shpinë, zbarkon në fushë pas ndeshjes Real-United (Foto)

”Gjatë kohë e kam pas në plan që të bëjë diçka të tillë por nuk kam pasur mundësi. Superkupa e UEFA-s ishte një mundësi fantastike që të realizoj ëndërrën. 20 minutat e para kisha një shtim enorm të adrenalinës, gjë që nuk mund ta përshkruaj me fjalë.”

”Adrenalina në trupin tim shpërtheu në minutat e fundit. E pashë terrenin dhe thash me vete: ‘Do të bëjë diçka që do ta mbajë mend gjatë gjithë jetës’. Kërcimi ishte i frikshëm. I falemnderohem Zotit që ruajti gjatë gjithë ndeshjes. Nuk është lehtë të kërcehet nga katër metra lartësi në një vend jo të rrafshtë ku të pret ‘murri’ i policëve. Sa mbërrita në tokë, menjëherë u nisa për tek lojtarët. E dija se më ndjeknin shumë policë por nuk e kisha atë brengë.” thotë Tentov.

Përndryshe, ai është dënuar nga autoritetet. Qindra euro dënim për një tek që ai do ta mbajë mend. /Telegrafi/