Ronaldo dhe bashkëlojtarëve të tij do të ulet paga nga Unitedi

Cristiano Ronaldo dhe shokët e tij të skuadrës në Manchester United do t’u ulen pagat pasi nuk arritën të kualifikohen në Ligën e Kampionëve sezonin e ardhshëm.

Djajtë e Kuq pësuan humbje 4-0 kundër Brighton & Hove Albion të shtunën në mbrëmje për t’i dhënë fund matematikisht shpresave të tyre për të përfunduar në top katërshe.

Si rezultat, një numër lojtarësh pritet të goditen financiarisht pas një edicioni zhgënjyes.

Raportimi i Daily Mail varet nga mënyra se si klubi i strukturon kontratat e lojtarëve të tyre.

Është bërë për shkak të rënies së të ardhurave, pas dështimit për t’u kualifikuar në Ligën e Kampionëve dhe pagat e disa lojtarëve do të ulen deri në 25 për qind.

United do të marrë më pak të holla duke luajtur futboll në Ligën e Evropës ose Ligën e Konferencës, gjë që ka të ngjarë ta bëjnë në 2022/2023.

Lexo po ashtu Ronaldo diskuton me Fergusonin për të ardhmen te Unitedi

Ronaldo iu bashkua United verën e kaluar dhe ai është një nga lojtarët me pagën më të lartë në Old Trafford, duke marrë  mbi 400 mijë euro në javë.

Paga e tij do të ulët në mbi 300 mijë euro në javë, shifra më e ulët që ai ka fituar prej vitesh.

Portieri David de Gea gjithashtu do të shohë që kontrata e tij prej afro 400 mijë euro në javë të bjerë nën 300 mijë euro në javë.

United ka një ndeshje të mbetur në ligë këtë sezon dhe numri maksimal i pikëve që mund të marrin është 61. /Telegrafi/