Role viçi me lakra të egra

Përbërësit për 2 persona:
* Gjoks viçi 250g
* Vaj 4 lugë çaji
* Lakra të egra ose çikore
* Kripë, piper,
* Lëng mishi ose ujë 1-2 filxhanë çaji

Përgatitja:
Vendosni mbi tavolinë gjoksin e viçit dhe me ndihmën e një thike të mprehtë eliminoni kockat dhe dhjamin. Rriheni lehtë me çekiç kuzhine të lagur me pak ujë, për të reduktuar trashësinë. Përzieni kripën me piperin dhe lyeni mishin nga brenda dhe jashtë. Rrotullojeni dhe lidheni me spango ushqimore.

Skuqeni nga të gjitha anët në zjarr të ngadaltë me 4 lugë çaji vaj në një tenxhere apo tigan të madh. Shtoni herë pas here disa lugë lëng mishi dhe me ndihmën e një luge druri kruani nga fundi i enës shtresën e karamelizuar të lëngut të mishit që formohet në fund të saj. Vazhdoni përgatitjen për gati një orë gjithmonë në zjarr të ngadaltë.

Kur mishi të jetë gati, shtoni në enë çikoret e ziera dhe përziejini në vajin dhe lëngun e lëshuar nga mishi, në mënyrë që të marrin sa më shumë shije.

Hiqeni mishin, lëreni të pushojë 10 minuta, prisni spangon me gërshërë dhe mishin në feta dhe vendoseni në pjatë të shoqëruar nga çikoret. /Telegrafi/