Rojën e sulmon një fuqi e padukshme, kryetari i një komune në Kolumbi publikon pamjet – kërkon ndihmën e ekspertëve t’i tregojnë se çfarë ka ndodhur

Jose Manuel Rios Morales, kryetar i qytetit Armenia në pjesën perëndimore të Kolumbisë, ka publikuar një video intriguese e cila akoma kërkon një përgjigje racionale.

Ngjarja ka ndodhur një gjysmë ore para mesnatës së të enjtes, ku një fuqi e padukshme sulmon rojtarin në ndërtesën e komunës, transmeton Telegrafi.

Fillimisht e shtyn për muri, e më pas e tërheq zvarrë nëpër dysheme. E sipas njohësve bëhet fjalë për aktivitet paranomal, që me të ardhur kolegët e tij në vendin e ngjarjes, kjo fuqi e padukshme duket se tërhiqet.

#Paranormal | Cámaras de la Alcaldía de Armenia capturan el momento en el cual un vigilante es golpeado por un ente desconocido en medio de un control rutinario de guardia la noche del pasado Lunes 2 de Agosto.

¿Qué opina usted de este hecho? pic.twitter.com/efsseeHf2k

— Quindío Noticias (@QuindioNoticias) August 4, 2021

Ishte edhe vetë Jose Manuel Rios Morales që gjatë një konference për media, sulmuesin e ka përshkruar si “entitet paranormal”, duke kërkuar ndihmë nga ekspertët që të shpjegojnë në detaje se çfarë në të vërtetë kishte ndodhur.

“Videon e keni të gjithë në dispozicion, dhe le të konstaton kushdo dhe të më tregoj se çfarë në të vërtetë ka ndodhur”, kishte shkruar kryetari i komunës.

Identiteti i rojës ende nuk është zbuluar dhe nëse ka pasur edhe diçka tjetër që nuk është filmuar nga kamerat e sigurisë. /Telegrafi/