Rita Ora vazhdon me paraqitje atraktive në bikini nga plazhet e Sydneyt

Ajo e festoi Vitin e Ri në Australi gjatë udhëtimit të saj të zgjatur me të dashurin, regjisorin Taika Waititi.

Dhe Rita Ora bëri shaka se kishte qëndruar në fshat për të marrë pak diell, duke shfaqur fizikun e saj të nxirë në një postim të ri në Instagram të mërkurën.

Këngëtarja mund të shihej duke kërcyer në plazh, e veshur me një palë bikini pa rripa, shkruan DailyMail.

Ylli i hitit “Lonely Together” kishte një buzëqeshje të madhe në fytyrën e saj ndërsa pozonte për serinë e fotografive që i ndau me ndjekësit në Instagram.

Më herët të mërkurën, Rita postoi të tjera fotografi nga plazhi, ku shihej e veshur me bikini të kuqe dhe rozë.

Anëtarja e jurisë së spektaklit “The Masked Singer”, 31 vjeçe, tregoi fizikun e saj të jashtëzakonshëm teksa shijonte një ‘sesion meditimi’ ndërsa pushonte në brigjet mahnitëse të vijës bregdetare të Sydneyt.

Lexo po ashtu Rita Ora e nis ditën duke treguar format atraktive të trupit në brigjet e plazheve të Australisë

Korniza e tonifikuar e Ritës dukej sensacionale me një bluzë portokalli që ajo e kishte veshur sipër bikineve.

Këngëtarja shqiptare kishte vënë një palë syze dielli elegante dhe për aksesorë kishte bërë një përzgjedhje byzylykësh ari dhe gjerdan me rruaza.

Flokët bjonde të yllit dukeshin të lagura pas një zhytjeje në det.

Rita e kaloi periudhën festive në kontinentin australian me të dashurin e saj Taika.

Ajo mbërriti në Australi në fillim të dhjetorit së bashku me të dashurin e saj prej gati një viti.

Që kur arritën në Sydney, ata janë parë duke bërë blerje në Bondi dhe duke frekuentuar plazhin, madje kanë marrë pjesë edhe në premierën e “Being The Ricardos”.

Rita është gjithashtu në Australi për spektaklin “The Voice Australia”, ku edhe sivjet është e angazhuar si anëtare e jurisë.

Taika gjithashtu përflitet se do të vazhdojë punën në disa filma të ardhshëm, duke përfshirë “Thor: Love and Thunder”, i cili është në fazën e post-produksionit.

Rita është gjithashtu pjesë e panelit të jurisë në spektaklin “The Masked Singer” në Mbretërinë e Bashkuar, krahas emrave të njohur si: Mo Gilligan, Jonathan Ross dhe Davina McCall. /Telegrafi/