Rikthim i ‘çmendur’ i Prishtinës, triumfon në frymën e fundit

Derbi i madh i futbollit kosovar mes Trepçës dhe Prishtinës i ka takuar kryeqytetasve në fund të ndeshjes 1-2.

Prishtina llogaritej si favoritë në këtë takim dhe e nisi ndeshjen duke sulmuar.

Edhe pse të dyja skuadrat kishin raste të mira shënimi, synimin për të shënuar gol nuk e arriti asnjëra skuadër.

Me rezultat të bardhë 0-0 përfunduan 45 minutat e parë të ndeshjes.

Pjesa e dytë nisi në mënyrë të mrekullueshnme për vendasit të cilët kishin edhe përkrahjen tifozëve ‘Torcida’.

Ishte sulmuesi Enis Zabergja që shënoi një super gol në minutën e 57-të për t’i kaluar vendasit në epërsi.

Prishtina ishte favorite në këtë takim dhe goli i Trepçës i befasoi ata jashtëzakonisht shumë.

Por mysafirët e barazuan rezultatin në minutën e fundit të ndeshjes nga penalltia.

Ishte mbrojtësi Liridon Leci që mori përgjegjësin dhe arriti të shënoi për 1-1.

Pas penalltisë kishte përleshje mes lojtarëve në fushë dhe kjo bëri që ndeshja të vazhdoi deri në minutën e 102-të.

Në minutën e fundit të kohës shtesë, Prishtina pas një kundësulmi shënoi edhe golin e fitores.

Gentrit Begolli asistoi bukur te Makenda i cili me kokë shënoi për 1-2.

Kësisoj, Trepça mbetet në pozitën e 11-të me 13 pikë të grumbulluara.

Ndërkohë Prishtina ngjitet në pozitën e dytë me 42 pikë të grumbulluara. /Telegrafi/