Renault po largohet gjithnjë e më shumë nga dieseli duke mbajtur vetëm dy modele me këtë motor: Clio dhe Kangoo.
Tani teknologjia hibride ka marrë rolin kryesor, me 44.2% të klientëve që zgjedhin motorizime hibride në tremujorin e parë të këtij viti – duke e bërë Renault prodhuesin e dytë më të madh në Evropë për këtë teknologji.
Për të përmbushur kërkesën në rritje, Renault prezanton dy versione të reja: Symbioz E-Tech 160 dhe Espace E-Tech.
Symbioz E-Tech kombinon një motor 1.8-litërsh me katër cilindra me dy motorë elektrikë.
Ndërkohë, Espace E-Tech Hybrid, më i madh dhe me dizajn të përmirësuar, ka motor 1.2-litërsh me tre cilindra dhe një motor elektrik.
Përkundër skepticizmit fillestar për motorin e vogël, performanca është e lartë – përshpejtim 0-100 km/h në 8.8 sekonda.
Çmimet fillojnë nga 33,100 euro për Symbioz E-Tech dhe 43,800 euro për Espace E-Tech në tregun evropian. /Telegrafi/
