Rektori Hajrizi ftohet si folës kryesor në Konferencën Ndërkombëtare – ICONSR 2023 në Budva

Rektori i UBT-së, Prof. Dr. Edmond Hajrizi është ftuar dhe do të marrë pjesë si folës kryesor i edicionit të gjashtë të Konferencës Ndërkombëtare “International Conference on Social Science Research – ICONSR 2023”, që do të mbahet në Budva të Malit të Zi.

Rektori Hajrizi do të prezantojë rreth temës: “Small Scale smart self-sustain innovation based ecosystem as platform for future education, research and development. Case UBT Smart City”, duke ofruar perspektivat e tij rreth inovacionit, teknologjisë së avancuar dhe qytetit të mençur.

Në prezantimin e tij, Rektori Hajrizi do të shpalosë konceptin e një qyteti të mençur, siç është rasti i UBT-së, si një projekt që ka për synim të ndërtojë një mjedis inovativ dhe hulumtues, duke përdorur teknologjitë më të sofistikuara të kohës.

Me përvojën dhe angazhimin e tij në fushën e arsimit, Rektori Hajrizi do të ndajë vizionin dhe idetë e tij për të ardhmen e shkencës dhe arsimit, duke theksuar rëndësinë e përdorimit të teknologjisë për të ndërtuar një platformë të qëndrueshme që përkrah edukimin, hulumtimin dhe inovacionin.