“Reklamuesit ta rrisin buxhetin për portalet në Maqedoni”

Kryetari i IAB Maqedoni Boris Eftimovski, ju bën thirrje reklamuesve më të mëdhenj në Maqedoni që në buxhetin e tyre për vitin e ardhshëm për reklama ta rrisin pjesën për portalet vendore.

“Presim që kompanitë vendore dhe agjencitë mediatike në buxhetin e tyre për vitin 2019 të ndajnë pjesë më të madhe për botuesit digjital dhe portalet vendore të Maqedonisë, në proporcion me ndikimin që ata kanë çdo ditë tek qytetarët”, thotë Eftimovski, njofton Telegrafi Maqedoni.

Ai shton se televizioni kombëtar i tretë më i madh ka të ardhura më shumë se së bashku 30 portalet më të mëdha në Maqedoni. Sipas tij, ky proporcion është i papranueshëm duke pasur parasysh rolin që kanë portalet në informimin e shoqërisë, edukim dhe kohës që kalohet tek ata.

Sipas tij, reklamuesit duhet në mënyrë shtesë të mbështesin zhvillimin cilësor të portaleve dhe procesin e vetë-rregullimit.

IAB Maqedoni është pjesë e rrjetit ndërkombëtar “IAB Worldwide” me seli në New York, e cila paraqet rrjetin më të madh global që bashkon mediumet, agjencitë e marketingut dhe reklamuesit./Telegrafi/