Ministria e Shëndetësisë në Maqedoni informon se në 24 orët e fundit janë bërë 3.929 testime për coronavirus, ndërsa 280 raste kanë rezultuar pozitiv.

Prej tyre në Shkup janë 137, Prilep - 24, Ohër - 18, Manastir dhe Shtip - 15, Kavadar - 13, Gjevgjeli - 10, Resnjë - 9, Kumanova dhe Strumicë - nga 8, Veles - 4, Vallandova dhe Bogdanci - nga 3, Kërçova dhe Demir Hisar - nga 2, Tetova, Gostivari, Koçani, Struga, Negotino, Radovishi, Vinica, Makedonski Brod dhe Dojran - nga 1.

Në 24 orët e fundit kanë ndërruar jetë 5 pacientë, të cilët kanë qenë pozitiv për COVID-19, ndërsa nga sistemi "Termini im" janë paraqitur edhe 5 pacientë të vdekur, të cilët kanë ndërruar jetë në periudhën prej 17 nëntor, deri 22 dhjetor.

Kurse ISHP ka regjistruar 156 pacientë të shëruar.

Me rastet e sotme numri i përgjithshëm i të infektuarve shkon në 223.211, prej të cilëve 210.475 janë shëruar, ndërsa 7.904 kanë ndërruar jetë.

Numri i rasteve aktive është 4.832./Telegrafi/

ShëndetësiLajme