Redbull ka njoftuar për organizimin e tyre të ri në video-lojën Tekken7

Red Bull ka shpallur Red Bull Golden Letters, një ngjarje e re e Tekken 7, në LAN që do të zhvillohet midis 26 dhe 27 mars 2022 në Londër.

Turneu, i cili do të mbahet në Redbull Gaming Sphere në kryeqytetin britanik, do të presë lojtarët vendas ku më vonë do të kenë mundësinë për të takuar dy prej lojtarëve më të mirë të botës.

Të shtunën superyjet e video-lojës Tekken që janë pjesë e ekipit të Redbull, Arslan Ash dhe Hoa ‘Anakin’ Luu, do të përballen me lojtarë të Mbretërisë të Bashkuar.

Këtyre dy lojtarëve do t’u bashkohen profesionistë të tjerë të njohur, të cilët do të hyjnë në raundet e fundit të turneut për t’u dhënë lojtarëve bazë në Mbretërinë e Bashkuar dhe profesionistëve aspirantë një shans për të testuar aftësitë e tyre.

Lexo po ashtu Të gjitha lajmet nga eSports

Ngjarja gjithashtu gjatë fundjavës do të shfaqë sfidat si “Beat the Pro” në një transmetim të drejtpërdrejt.

Ky organizim premton të jetë i suksesshëm ku do të zhvillohet një përballje pesë kundër pesë nga lojtarët profesionist, “Evropa kundër Botës”, ku kjo ndeshje do të shfaqë lojtarët e Red Bull, Anakin dhe Arslan Ash, dhe yje të tjerë  të video-lojës Tekken që do të zbulohen më vonë, duke ofruar një spektakël argëtues për komunitetin e lojërave luftarake.

Red Bull Golden Letters do të transmetohet drejtpërdrejt në kanalin zyrtar në Twitch të redbull, twitch.tv/redbull.

/Telegrafi/

introducing Red Bull Golden Letters… the Tekken tournament like no other ⚡️

the aim: get those golden letters – ✨PERFECT✨ or 💥GREAT💥

if you think you can hang with the world’s best, including @ArslanAsh95 & @tk_anakin, sign up below 👇@LenovoLegionUKI

— Red Bull UK (@RedBullUK) March 9, 2022