Reçica: Zyrat e Punësimit nëpër komuna nuk janë të mira

Zyrtarë të Zyrës së Punësimit në Istog janë ankuar për kushte jo të volitshme të punës pasi hapësirat ku ata punojnë janë të përfshira nga uji.
Këtë problematik ata e kanë paraqitur tek “Zyra e Ankesave” në RTV Dukagjini.

Edhe ministri i Punës dhe Mirëqenies Sociale, Skënder Reçica shprehu shqetësimin e tij, për këto hapësira.

Ai në emisionin “Zyra e Ankesave” në RTV Dukagjini tha se jo vetëm në Komunën e Istogut, por edhe nëpër komunat tjera të Kosovës kushtet e punës nëpër Zyrët e punësimit nuk janë të mira.

Ministri Reçica theksoi se nuk kanë mjete të mjaftueshme për të zgjidhur problemin e këtyre hapësirave infrastrukturore.

“Fatkeqësisht jo vetëm në Istog, por gjendjen infrastrukturore nuk e kemi të mirë edhe në shumë komuna tjera me hapësirat infrastrukturore në Zyrat e Punësimit por edhe në zyrët e pensioneve. Kjo për mua është shqetësuese. Me buxhetin e këtij viti kemi mjete jo të mjaftueshme për pranimin e gjitha këtyre problemeve të hapësirave infrastrukturore. Do të mundohemi që ta zgjedhim problemin këtë vit por krahas mundësive tona buxhetor”, ka thënë Reçiça. /Telegrafi/