Real Madridi e ka zhbllokuar rezultatin kundër APOEL Nicosias, në ndeshjen e vlefshme për fazën grupore të Ligës së Kampionëve.
Zhvillohej minuta e 23-të, kur Luka Modric realizoi një gol nga largësia për Los Blancos.
Mesfushori kroat e shfrytëzoi një top të kthyer për të goditur me vole, ndërsa topi u ndal në rrjetë (23’).
Mbretërit duan fitore për ta siguruar kualifikimin në fazën tjetër të Ligës së Kampionëve dhe njëherësh do të përpiqen që ta zënë vendin e parë në Grupin H.
Nga katër xhirot e para, Reali ka regjistruar dy fitore, një barazim dhe një humbje dhe është i dyti në tabelë me shtatë pikë.
Me fitore në këtë ndeshje dhe me dështim eventual të Tottenham Hotspur ndaj Borussia Dortmundit, Los Blancos do të shpresojnë edhe për vendin e parë në grup. /Telegrafi/
https://www.dailymotion.com/video/x6a8b7a
