Reagon Kamberi pasi disa media në Serbi nuk transmetuan fjalimin e Kurtit në mbledhjen e Këshillit të Sigurimit

Disa media në Serbi kanë ndërprerë transmetimin e seancë së Këshillit të Sigurimit të OKB-së, momentin që ka nisur fjalimin kryeministri i Kosovës, Albin Kurti.

Lidhur me këtë veprim të mediave serbe ka reaguar edhe deputeti shqiptar në Parlamentin e Serbisë, Shaip Kamberi, transmeton Telegrafi.

Ai në një reagim në platformën “X”, shkruan se janë katër media që kanë ndërprerë transmetimin, ndërsa mediat në Kosovë kanë transmetuar gjithë fjalimin e presidentit serb.

“Ndërsa Albin Kurti mbajti fjalimin e tij, RTS dhe tre stacione të tjera televizive serbe ndërprenë transmetimin e seancës së Këshillit të Sigurimit.Ndërkohë, RTK e transmetoi të gjithë fjalimin e Vuçiqit! Tani, në cilin vend ka më shumë tolerancë”, thotë Kamberi.

Lexo po ashtu Në Serbi u ndal transmetimi direkt kur Kurti nisi fjalimin në mbledhjen e Këshillit të Sigurimit të OKB-së

Për ndalimin e transmetimit të fjalimit të Kurtit, ka reaguar edhe Klisman Kadiu, këshilltar i zëvendëskryeministrit, Bisnik Bislimi.

“Në Serbi, e kanë ndalur transmetimin atëherë kur ka nisur fjalën e tij kryeministri Kurti. Kaq për lirinë e mediave e të informimit në Serbi. Censurë. Për të ardhur keq, që serbët atje nuk kanë mundësi të dëgjojnë mbi realitetin e të vërtetat”, thotë Kadriu.

Ndryshe, të enjten Kurti ka hedhur poshtë çdo pretendim që sugjeron se Kosova është përfshirë në një politikë të spastrimit etnik ndaj pakicës serbe./Telegrafi/

While Albin Kurti delivered his speech, RTS and three other Serbian TV stations halted Security Council session broadcasts.
Meanwhile, RTK aired Vucic’s entire speech!
Now, in which country is there more tolerance?

— Shaip Kamberi (@shkamberi) February 9, 2024