Reagime dhe kundër-reagime për ngjyrosjen e mbrëmshme të Gjykatës Penale

Në një aksion që kanë ndërmarr gjatë mbrëmjes së djeshme aktivistët e “Revolucionit Laraman” kanë ngjyrosur ndërtesën e Gjykatës Penale Shkupi 1. Nga kjo lëvizje vlerësojnë se pikërisht kjo Gjykatë është pengesa më e madhe me të cilën po ballafaqohet Prokuroria speciale publike, transmeton Telegrafi Maqedoni.

Kanë reaguar nga Gjykata penale duke thënë se bëhet fjalë për një akt vandal.

„Në mënyrën më të turpshme gjatë natës, fshehurazi, që u ngjan qyqarëve është dëmtuar fasada dhe dera e hyrëse e Gjykatës themelore Shkupi 1, gjë që mund të shihet edhe nga kamerat e sigurisë, dhe për të cilën janë njoftuar edhe organet kompetente.
Gjykata dhe unë si kryetari i saj, këto sulme nuk  i ndjejmë si presion por këto edhe më tepër na inkurajojnë për zbatimit e Ligjit dhe respektimin e të drejtave dhe lirive të njeriut të garantuara përmes ligjeve dhe Kushtetutës së Republikës së Maqedonisë”, ka thënë mes tjerash në deklaratën me shkrim, kryetari i Gjykatës penale, Vladimir Pançevski.

Ka reaguar edhe partia në pushtet, OBRM-PDUM prej ku kërkojnë të ndalojnë presionet të cilat sipas tyre LSDM i bën ndaj Gjykatës, ndërsa nga LSDM opozitare kanë mohuar të qëndrojnë pas këtij aksioni./Telegrafi/