RB Leipzig mposht me rikthim PSG-në

RB Leipzig ka fituar me rikthim në shtëpi ndaj Paris Saint-Germain në ndeshjen e tretë të Grupit H në Ligën e Kampionëve.

Gjermanët kanë arritur të tregojnë forcën e tyre, pasi janë rikthyer nga disavantazhi për të marrë një fitore të madhe ndaj PSG-së.

Pjesa e parë e ndeshjes u karakterizua me lojë më të mirë të mysafirëve, të cilët edhe shënuan të parët, por u barazuan në fund të kësaj pjesë, ndërsa humbën edhe një penallti.

PSG shënoi pas vetëm gjashtë minutave lojë me anë të Angel Di Maria, i cili shënoi për 0-1, ndërsa argjentinasi humbi penalltinë në minutën e 16-të duke humbur edhe mundësinë për të dyfishuar epërsinë.

All to play for in the second half, let's goooo! 🙌

🔴⚪ #RBLeipzig #RBLPSG 1-1 (46') pic.twitter.com/fNJ1tv4qlm

— RB Leipzig English (@RBLeipzig_EN) November 4, 2020

Vendasit u kthyen në lojë në minutën e 42-të me anë të Christopher Nkunku që barazoi shifrat në 1-1 dhe dërgoi skuadrat në pushim me rezultat të barabartë.

Në pjesën e dytë, vendasit ishin për një nuancë më të mirë duke arritur të shënojnë edhe golin e fitores, ndërsa PSG mori dy kartonë të kuq në këtë pjesë.

Emil Forsberg ishte i saktë nga penalltia në minutën e 57-të duke shënuar për 2-1 dhe ky doli të ishte rezultati përfundimtar i ndeshjes, pasi PSG nga minuta e 69-të mbeti pa Idrissa Gueye, ndërsa në shtesë u ndëshkua edhe Presnel Kimpembe.

YEEEEEEEEEEEEEEEEEEEEEESSSSS!!! 😍😍😍

🔴⚪ #RBLeipzig #RBLPSG #UCL pic.twitter.com/byuvvtDqYn

— RB Leipzig English (@RBLeipzig_EN) November 4, 2020

Pas kësaj fitore, RB Leipzig ka gjashtë pikë në vendin e dytë, po aq sa Manchester Unitedi i pari, ndërsa PSG zë pozitën e tretë me tre pikë.

Në ndeshjen e radhës, përsëri do të luajnë këto dy skuadra mes vete, por kësaj radhe në Parc des Princes. /Telegrafi/

https://www.youtube.com/watch?v=vBVy7zUKA0I

https://www.youtube.com/watch?v=iHIKKQraEBQ