Rasti në xhirimet e filmit “Rust” – Alec Baldwin lirohet nga akuzat

Çështja penale kundër aktorit Alec Baldwin për goditjen me armë zjarri në sheshxhirimin e filmit të vitit 2021 “Rust” ka përfunduar dje.

Përkatësisht, në këtë rast prokurori e ka tërhequr ankesën për pushimin e lëndës.

Baldwin u lirua nga akuza për vrasje. Gjykatësja Mary Marlowe Sommer hodhi poshtë aktakuzën në korrik, duke thënë se prokurorët dhe policia nuk arritën të provonin origjinën e plumbit që vrau Hutchins.

Hannah Gutierrez, e cila ishte përgjegjëse për armët në xhirime, u dënua me 18 muaj burg për vendosjen e gabuar të një plumbi të vërtetë, të cilin Baldwin e përdori gjatë xhirimeve.

“Unë nuk e kam parë versionin përfundimtar të filmit dhe nuk e kam në plan. Shpresoj që të dalë në treg, që paratë t’u kthehen investitorëve. Ju kurrë nuk dëshironi që njerëzit që besuan në projektin tuaj të lihen në baltë. Shpresoj që filmi të shkojë mirë dhe që Matt të marrë paratë tona. Ne bëmë një marrëveshje me të dhe ne duam ta respektojmë atë”.

Lexo po ashtu Të gjitha lajmet nga Alec Baldwin

Ai ka theksuar se e gjithë situata ka qenë jashtëzakonisht e vështirë për të dhe familjen e tij dhe se për këtë arsye nuk do ta shikojë filmin.

“Kjo është gjëja më e vështirë me të cilën jam përballur në jetën time. Përveç viktimave, ajo që më lëndon më shumë është ajo që i është bërë gruas sime. Ne përpiqemi të mbështesim njëri-tjetrin dhe të largohemi nga këto gjëra sepse filmi do të jetë përgjithmonë. nën hijen e saj”, tha ai. /Telegrafi/