Edhe pse i shkëlqyeshëm, vaji i kokosit nuk është gjithmonë i përshtatshëm për përdorim.
Vaji i kokosit është rreth 90 për qind yndyrë e ngopur, e cila është një përqindje më e lartë se gjalpi (rreth 64 për qind yndyrë e ngopur) dhe yndyra e viçit (40 për qind). Shumë yndyrë e ngopur në dietë është e pashëndetshme sepse ngre nivelet e kolesterolit të keq, LDL, i cili rrit rrezikun e sëmundjes së zemrës.
Më poshtë ua sjellim momentet kur duhet ta evitoni vajin:
Nëse jeni duke u përpjekur të humbni peshë
“Vaji i kokosit është shumë kalorik”, pohon autori i Dietës së Ndryshimit të Vogël, Carrie Gans, për womenshealthmag.com. Me 117 kalori për lugë gjelle, vaji i kokosit mund të krahasohet me ullirin. Kjo nuk do të thotë që duhet ta shmangni plotësisht, thjesht i kushtoni vëmendje sasisë, si me të gjitha ushqimet e tjera, shkruan KP.
Nëse keni plagë të hapura
“Nëse bie në kontakt me një gërvishtje ose një plagë të hapur, vaji i kokosit mund të shkaktojë kruajtje, acarim të lëkurës dhe skuqje”, thotë Joshua Zeichner, shef i kërkimeve dermatologjike në klinikën Mount Sinai në Nju Jork.
Kur rreziteni
Megjithëse vaji i kokosit ofron mbrojtje të butë nga rrezatimi UV (faktori vlerësohet në 8), nuk është aspak një shkallë e mjaftueshme e mbrojtjes për lëkurën tuaj. Nëse dëshironi të ushqeni lëkurën tuaj, mos ngurroni të kombinoni vajin e kokosit me kremin kundër diellit.
Gjatë dushit
Vaji i kokosit, si çdo vaj tjetër, është mjaft i yndyrshëm në lëkurë nëse nuk fërkohet mirë. Nëse e transferoni atë në një dush ose vaskë, rrezikoni të rrëshqisni. Prandaj, jini të kujdesshëm.
Kur gatuani në temperatura të larta
Vaji i parafinuar i kokosit arrin pikën e djegies në afërsisht 150 gradë Celsius. Nga ana tjetër, vaji i kokosit i rafinuar mund të përballojë temperatura deri në 230 gradë Celsius. Kushtojini vëmendje llojit të vajit të kokosit që përdorni përpara se të filloni të gatuani.
