Milot Rashica ka shfrytëzuar rrjetet sociale për të folur rreth ndeshjes se djeshme (e mërkurë) ndaj Bayern Munichut.
Werder Bremen është mposhtur me rezultat 3-2 nga Bayern Munichu në gjysmëfinale të DFB Pokal duke humbur mundësinë e kualifikimit në finale.
Njërin nga golat e Bremenit e shënoi pikërisht ylli i Kosovës, Milot Rashica.
Djaloshi vushtrrias shënoi golin e barazimit 2-2, ku në minutën e 75-të gjeti rrjetën pas një veprimi të mirë individual.
Rashica ka shfrytëzuar profilin e tij në Facebook për të folur rreth ndeshjes së djeshme.
"Fatkeqësisht nuk mjaftoi, por ne vazhdojmë së bashku. Mbështetje e mrekullueshme nga tifozët tanë", ka shkruar Rashica në Facebook.
Ndryshe, Rashica deri më tani këtë sezon ka shënuar tetë gola në Bundesliga dhe tri tjera në DFB Pokal. /Telegrafi/
