Feronikeli ka arritur të marrë një fitore të madhe në finalen e raundit preliminar në Ligën e Kampionëve përballë Santa Colomas.
Kampioni në fuqi i Kosovës ishte me një lojtar më pak nga minuta e 50-të pas përjashtimit të Yll Hoxhës.
Por edhe pse mysafirët kaluan në epërsi, falë golave nga Mevlan Zeka dhe Kastriot Rexha, Nikli triumfoi 2-1.
Trajneri i Feronikelit, Zekirija Ramadani ka thënë se futbollistët kanë marrë një fitore me zemër.
“Treguam një lojë të mirë, me ç’rast rezultoi edhe rikthimi. Kemi treguar zemër, sidomos pas përjashtimit të Yllit, qysh në fillim të pjesës së parë. Ajo që është e rëndësishme, i’a arritëm qëllimit”.
“Ndërkaq, e arsyetoj kartonin e kuq, sepse duhet analizuar gjithmonë arsyen e kartonit” përfundoi Ramadani.
Në raundin e parë të Ligës së Kampionëve, Feronikeli do të përballet me kampionin e Uellsit, TNS. /Telegrafi/
