LAJMI I FUNDIT:

Rama e falënderon Scholzin për Procesin e Berlinit: Platforma kryesore për bashkëpunim në Ballkan

Rama e falënderon Scholzin për Procesin e Berlinit: Platforma kryesore për bashkëpunim në Ballkan

Kryeministri i Shqipërisë, Edi Rama, e ka falënderuar kancelarin gjerman, Olaf Scholz, për kthimin e Procesit të Berlinit, duke thënë se është platforma kryesore për bashkëpunim në Ballkanin Perëndimor.

Me rastin e Kongresit të Partisë Socialdemokrate në Gjermani, Rama ka thënë se Procesi i Berlinit është vetëm një nga sukseset e kancelarit Scholz në Ballkan.

Ai tutje është shprehur se Shqipëria do të mbetet e përkushtuar ndaj këtij procesi.


Kurti takohet me kancelarin gjerman Scholz në margjinat e kongresit të SPD-së
Lexo po ashtu Kurti takohet me kancelarin gjerman Scholz në margjinat e kongresit të SPD-së

“Me rastin e Kongresit të SPD-së në Berlin, falënderoj sinqerisht kancelarin Olaf Scholz për udhëheqjen e tij. Procesi i kthyer i Berlinit është vetëm një nga shumë sukseset e miqve dhe aleatëve tanë në Berlin. Shqipëria do të mbetet thellësisht e përkushtuar ndaj këtij procesi si platforma kryesore për bashkëpunimin e nivelit të lartë në Ballkanin Perëndimor”, ka shkruar kryeministri shqiptar në rrjetin social “X”.

Pjesë e Kongresit është edhe kryeministri i Kosovës, Albin Kurti, që u takua me kancelarin Olaf Scholz të shtunën.

Kurti në një postim në “X” ka shkruar se takimi me Scholzin ishte i frytshëm.

“Kënaqësi të marr pjesë në kongresin e partisë SPD të këtij viti, ku pata një takim të frytshëm me kancelarin Olaf Scholz, duke nënvizuar forcën e marrëdhënieve tona dypalëshe dhe vizionin tonë të përbashkët si socialdemokratë që nxisin drejtësinë, përparimin dhe prosperitetin për qytetarët tanë”, ka shkruar kreu i ekzekutivit kosovar.

Ndërkaq, në një komunikatë të lëshuar më pas nga Kryeministria thuhet se Kurti dhe kancelari Scholz diskutuan mbi marrëdhëniet e forta dhe të shkëlqyeshme dypalëshe, rëndësinë e integrimit në Bashkimin Evropian të Republikës së Kosovës dhe Ballkanit Perëndimor, dhe vizionin e përbashkët si socialdemokrat për zhvillim, drejtësi sociale dhe mirëqenie në të dy vendet.

Ky ishte takimi i dytë bilateral ndërmjet kryeministrit Kurti dhe kancelarit gjerman Scholz këtë vit, nga katër gjithsej në dy vitet e fundit. /Telegrafi/

Në trend Lajme

Më shumë
Nuk respektoi urdhrin e gjykatës, Prokuroria: Ndaj Kurtit do të veprohet sipas ligjit

Nuk respektoi urdhrin e gjykatës, Prokuroria: Ndaj Kurtit do të veprohet sipas ligjit

Lajme
Kurti për Prokurorinë: Po e lufton qeverinë e jo krimin - unë jam i gatshëm të jap dëshmi

Kurti për Prokurorinë: Po e lufton qeverinë e jo krimin - unë jam i gatshëm të jap dëshmi

Lajme
Kurti shpërfill urdhrin e Gjykatës, shkon në Gjilan dhe jo në Prokurori

Kurti shpërfill urdhrin e Gjykatës, shkon në Gjilan dhe jo në Prokurori

Lajme
Mbi 20 mijë euro të falsifikuara gjenden në një dërgesë në Qendrën Postare Tranzitore

Mbi 20 mijë euro të falsifikuara gjenden në një dërgesë në Qendrën Postare Tranzitore

Lajme
Ish-kryetari i Graçanicës: 750 serbë nga Kosova do të përdoren për të mbrojtur Vuçiqin dhe destabilizuar protestat në Serbi

Ish-kryetari i Graçanicës: 750 serbë nga Kosova do të përdoren për të mbrojtur Vuçiqin dhe destabilizuar protestat në Serbi

Lajme
Tri porositë e ambasadorit britanik për qeverinë e ardhshme

Tri porositë e ambasadorit britanik për qeverinë e ardhshme

Lajme
Kalo në kategori