Rakitic dëshiron që Valverde të jetë trajner i Barçës edhe në sezonin e ardhshëm

Mesfushori i Barcelonës, Ivan Rakitic, dëshiron që Ernesto Valverde të jetë trajneri i klubit katalunas edhe në sezonin e ri.

E ardhmja e spanjollit ende është e paqartë, por duket se lojtarët dëshirojnë që ai të jetë trajner i tyre.

“E ardhmja e trajnerit është në pikëpyetje për klubin dhe atë, por si lojtarë ne jemi të lumtur me atë”, ka thënë Rakitic për Marca.

“Ai dhe stafit i tij po bëjnë punë shumë të mirë, besoj se ai do të vazhdojë këtu.Ne lojtarët gjithmonë punojmë shumë dhe se çka ata vendosin të bëjnë, është vendim i tyre, por ata do të vijnë në përfundim i cili është më i miri”.

“Ne është dashur të përpiqemi shumë për këtë fitore në Getafe, sepse kjo është një ligë mjaft e komplikuar dhe ka ende shumë sfida para”.

“Kjo ishte një nga ndeshjet më të vështira të sezonit, ata ishin të kompletuar dhe ishte një betejë e vërtetë”, ka shtuar kroati.

Barcelona aktualisht në La Liga është në vendin e parë me pesë pikë më shumë se Atletico Madridi në pozitën e dytë. /Telegrafi/