SpaceX pritet ta lansojë për herë të parë raketën Starship më 17 prill, njëherësh raketa më e madhe në botë, dhe e tërë vëmendja globale do të shtrihet në këtë ngjarje historike ku do të transmetohet drejtpërsëdrejti në internet nga kompania.
Fluturimi i parë testues orbital i raketës Starship, nga SpaceX pritet të bëhet nga objekti Starbase i kompanisë pranë fshatit Boca Chica në Teksasin e Jugut jo më herët se të hënën, 17 prill, transmeton Telegrafi.
Nisja planifikohet në orën 8 të mëngjesit por me kohën në Kosovë do të jetë 2 e pasdites.
Ju mund ta shihni lansimin e raketës në YouTube në kanalin zyrtar të kompanisë SpaceX.
“Sukses ndoshta, emocion i garantuar”, tha themeluesi i SpaceX, Elon Musk pasi kompania siguroi licencën për lansimin e Starship nga Administrata Federale e Aviacionit. /Telegrafi/
