Rafinha i kumton lajmin miqve të tij: Do t’i bashkohem Monchit te Roma

Mesfushori brazilian, Rafinha Alcantara mund të rikthehet në Serie A.

Pas huazimit gjashtë mujor te Interi, Rafinha u rikthye në Barcelonë me zi kaltërtit që nuk patën mundësi financiare ta kompletojnë transferimin e brazilianit.

Por me tu rikthyer në Camp Nou, Rafinha nuk ka gjetur hapësirat e duhura nën urdhrat e Ernesto Valverdes.

Kësisoj mesfushori ka kërkuar të largohet nga Barcelona gjatë afatit kalimtar të janarit.

E duket se skuadra e tij e re do të jetë Roma, pasi sipas Dariogol, ka qenë vetë lojtari që i ka konfirmuar miqve të tij se do t’i bashkohet klubit nga kryeqyteti italian.

“Do t’i bashkohem Monchit te Roma”, u ka thënë lojtari miqve të tij sipas Darigol.

25-vjeçari ka kontratë me Barcelonën deri në qershor të vitit 2020.

Për ta transferuar Rafinhan, Roma do të tentoj ta marrë huazim për gjashtë muaj me mundësi blerje për 30 milionë euro në fund të stinorit.

Rafinha këtë edicion me Barcelonën ka luajtur në shtatë ndeshje në të gjitha garat duke shënuar një gol dhe duke dhuruar dy asistime. /Telegrafi/